"Ukraynada sülh Kiyevin “kapitulyasiyası” yolu ilə əldə olunmamalıdır və gələcək hücum təhlükəsi ilə şübhə altına düşə bilməz".
"Operativ Məlumat Mərkəzi-OMM" xəbər verir ki, bunu Fransanın xarici işlər naziri Jan-Noel Barro deyib.
“Biz görürük ki, bu gün məhz Vladimir Putinin rəhbərlik etdiyi Rusiya sülhün yolunda əsas maneədir. Sülh prinsipi təmas xəttində atəşkəslə başlanmalı və bu, ərazilər və təhlükəsizlik zəmanətləri məsələləri üzrə danışıqlara başlamağa imkan verməlidir”, - Barro vurğulayıb.
Fransa nazirinin fikrincə, artıq üç ildən çoxdur heç bir şəkildə məhdudlaşdırılmayan Rusiya təcavüzünə qəhrəmancasına müqavimət göstərən ukraynalılar da kapitulyasiyanın istənilən formasına razı deyillər.
