Polşa Ukraynadan hava məkanına daxil olan naməlum obyekti axtarır

Bu gün səhər saatlarında Polşanın hava məkanını pozan naməlum uçan obyektin axtarışı Polşanın şərqində, Ukrayna ilə sərhəd yaxınlığında davam edir.

"Operativ Məlumat Mərkəzi-OMM" xəbər verir ki, bu barədə "RMF FM" radiostansiyası bildirib.

Radio reportajına görə, "qərb istiqamətində böyük sürətlə" uçan obyekti Lyublin vilayətinin Prjevodov şəhərinin sakinləri müşahidə ediblər. Artıq obyektin yerdə axtarışına başlanılıb, bunun üçün “əhəmiyyətli qüvvələr səfərbər edilib”.

Lakin obyektin yerə yıxılaraq partladığına dair heç bir sübut yoxdur. "Ola bilsin ki, hava məkanımızın yalnız bir mərhələli pozulması olub və bu naməlum obyekt Ukraynaya qayıdıb", - mesajda deyilir.