Çinin paytaxtı Pekində “Azərbaycan Ticarət Evi” fəaliyyətə başlayıb.
"Operativ Məlumat Mərkəzi-OMM" xəbər verir ki, Çində 4-cü, Pekində isə ilk “Azərbaycan Ticarət Evi” paytaxtın izdihamlı və işgüzar zonalarından birində yerləşir. Ticarət evində Azərbaycan istehsalı olan təxminən 60 adda məhsul, o cümlədən meyvə suları, kompotlar, mürəbbələr şərab və digər spirtli içkilər, çay, quru meyvələr, hətta xalçaların satışı həyata keçirilir. Digər ticarət evlərində olduğu kimi bu ticarət evində də Azərbaycanın zəngin mədəni irsinə, turizm potensialına, iqtisadi imkanlarına və sərmayə mühitinə aid materiallar nümayiş olunur. Burada, ticarət evi ilə yanaşı, Azərbaycan təamlarının təklif olunduğu restoran da fəaliyyət göstərir.
İqtisadiyyat naziri Mikayıl Cabbarov ticarət evinin fəaliyyətinin ölkələrimiz arasında iqtisadi əlaqələrin şaxələndirilməsinə və ticarət dövriyyəsinin artırılmasına töhfələr verəcəyini bildirib.
