Afət Ziyadqızı
Ermənistanın baş naziri Nikol Paşinyan martın 8-də parlamentdə hakim “Mülki Konvensiya”nın nümayəndələri ilə qapalı görüşdə Misirə iki günlük rəsmi səfərdən məyus olduğunu gizlətməyib.
"Operativ Məlumat Mərkəzi-OMM" xəbər verir ki, bu barədə “Hraparak” qəzeti yazıb.
Nəşr bildirir ki, bu, Misir prezidentinin ötən ilin yanvarında Ermənistana səfərinə cavabdır. Bununla belə, hakimiyyət Paşinyanın səfərinə müəmmalı və yersiz əhəmiyyət verməyə çalışıb, hətta silahların alınması ilə bağlı razılaşmanın mümkünlüyü barədə şayiələr də yayıb.
“Lakin Dövlət Duması ilə görüşdə baş nazir səfəri adi bir səfər kimi qiymətləndirib və hətta bu səfərin dövlət vəsaitlərinin israf edilməsindən başqa heç nə ilə nəticələnməməsindən məyus olduğunu gizlətməyib”, – deyə qəzet yazıb.
