Bəzi Avropa ölkələri atəşkəsi təmin etmək üçün Ukraynaya qoşun göndərməyə hazırdır, lakin bunun üçün ABŞ-nin dəstəyinə ehtiyac olacaq.
"Operativ Məlumat Mərkəzi-OMM" xəbər verir ki, bu barədə "Bloomberg TV"-yə müsahibəsində Fransa Maliyyə Nazirliyinin prezidenti Erik Lombard bildirib.
"Biz Ukrayna ilə bağlı texniki danışıqlara başlamışıq. Ümumi razılıq var ki, atəşkəsə zəmanət vermək üçün Ukraynaya avropalı əsgərlər göndərilməlidir. Böyük Britaniya, Almaniya və Fransa buna hazırdır, digər Aİ ölkələri də öz töhfələrini verəcəklər. Əsgərlər atəşkəsin təmin olunması üçün atəşkəs əldə edildikdən sonra gələcəklər", - o deyib.
Nazir ABŞ prezidenti Donald Trampın atəşkəsi dəstəkləməyə razılaşdığını iddia edib, lakin Vaşinqtonun hansı addımlar ata biləcəyi ilə bağlı təfərrüatları açıqlamayıb.
