Pakistanda musson yağışlarının səbəb olduğu daşqınlarda son 24 saat ərzində 28 nəfərin öldüyü, 90 nəfərin isə yaralandığı bildirilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Pəncab Fövqəladə Halların İdarə Olunması Agentliyinin (PDMA) sözçüsü Faruk Əhməd vilayətdə davam edən yağışlarla bağlı açıqlama verib.
Onun sözlərinə görə, ölüm hallarının əksəriyyəti damların və divarların uçması nəticəsində baş verib.
Güclü leysanlar səbəbindən çayların daşması riskinə qarşı xəbərdarlıq edilib.
Qeyd edək ki, Pakistanda hər il iyul-sentyabr aylarında təsirli olan musson yağışları ölkənin bir çox şəhərində yüzlərlə insanın ölümünə və ciddi maddi itkilərə səbəb olur.
