Özbəkistanda Ramazan bayramı ilə əlaqədar 426 məhbus əfv edilib

Özbəkistan Rəyasət Heyətinin Mətbuat Xidmətindən verilən məlumata görə, Mirziyoyev “törətdiyi cinayətə görə peşman olan məhbusların Ramazan bayramı münasibətilə əfv edilməsi haqqında” fərmanı imzalayıb.

"Operativ Məlumat Mərkəzi-OMM" xəbər verir ki, sərəncama əsasən, 426 məhkumun faydalanacağı amnistiya çərçivəsində 335 məhkum azadlığa buraxılacaq, 91 məhkumun cəza müddəti qısaldılacaq.

Əfv olunan məhbusların 5-i qeyri-qanuni təşkilatın üzvü, 13-ü 60 yaşdan yuxarı, 50-si qadın və 11-i xarici ölkə vətəndaşıdır.

Prezident Mirziyoyevin Ramazan bayramı ilə bağlı imzaladığı fərmanla ötən il ölkədə 541 məhbus əfv edilib.