Macarıstanın Baş naziri Viktor Orban Kopenhagendə keçirilən Avropa liderlərinin sammitində çıxışı zamanı Brüsselin Rusiyaya qalib gəlməyə yönəlmiş hərbi planlarına qarşı ölkəsində imza kampaniyasına başlayacağını bəyan edib.
"Operativ Məlumat Mərkəzi-OMM" xəbər verir ki, bu barədə məlumat Avropa Komissiyasının saytında dərc olunub.
“Mənim gördüyüm kimi, Avropa İttifaqı müharibəyə gedəcəyini bildirib. Üstəlik, dünən onlar hətta Rusiyanı məğlub etmək üçün hərbi strategiya təqdim etdilər,” – deyə Orban qeyd edib.
Onun sözlərinə görə, bu planlar onu “titrədir”, çünki həm Macarıstan, həm də Avropa İttifaqı üçün ciddi təhlükə yaradır. Baş nazir Aİ-nin bu istiqamətdəki addımlarına qarşı açıq mövqe tutacağını bildirib.
