ABŞ Prezidenti Donald Tramp tətbiq etdiyi tariflərlə səlahiyyətlərini aşıb-aşmadığına dair Ali Məhkəmədə keçiriləcək məhkəmə prosesinin “ölüm-dirim məsələsi” olduğunu bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
“Sabah ABŞ Ali Məhkəməsində baxılacaq iş, ölkəmiz üçün sözün əsl mənasında bir ölüm-dirim məsələsidir” – o bildirib.
“Əgər qalib gəlsək, möhtəşəm, amma ədalətli bir maliyyə və milli təhlükəsizlik səviyyəsinə çatacağıq. Əgər qalib gələ bilməsək, illərdir bizdən faydalanan digər ölkələr qarşısında demək olar ki, müdafiəsiz qalacağıq. Səhm bazarımız davamlı olaraq rekord səviyyələrə çatır və ölkəmiz heç vaxt indiki qədər hörmət görməmişdi. Bunun böyük bir hissəsi gömrük vergiləri sayəsində əldə etdiyimiz iqtisadi təhlükəsizlik və bu vergilər vasitəsilə apardığımız danışıqlardan qaynaqlanır”, - Tramp əlavə edib.
