Netflix 2023-cü ilin sentyabrında DVD çatdırılma xidmətini dayandıracaq.
"Operativ Məlumat Mərkəzi-OMM" TASS-a istinadən xəbər verir ki, bu barədə çərşənbə axşamı şirkətin saytında dərc edilmiş məlumatda deyilir.
Məqsədinin həmişə üzvlər üçün ən yaxşı xidmət təşkil etmək olduğunu bildirən şirkət 25 ildən sonra bu qərarın verilməsini biznesin daralması ilə bağlayıb.
Məlumatda vurğulanır ki, 1998-ci ildən bəri Netflix 5,2 milyarddan çox disk təqdim edib və 40 milyon abunəçiyə çatıb. Şirkət tərəfindən təqdim edilən ilk CD-də “Beetlejuice” (1988) filmi var idi.
