Futbol üzrə Misli Premyer Liqasında XVII turun növbəti oyunu keçirilib.
"Operativ Məlumat Mərkəzi-OMM" xəbər verir ki, "Neftçi" doğma meydanda "Kəpəz"i qəbul edib. “Neftçi Arena”da oynanılan matç ev sahiblərinin 2:1 hesablı qələbəsi ilə yekunlaşıb.
Bu nəticədən sonra xallarını 16-ya çatdıran "Neftçi" 7-ci pilləyə yüksəlib. "Kəpəz" isə 10 xalla 9-cu sırada qalıb.
Günün ilk oyununda “Zirə” və “Turan Tovuz” komandaları qarşılaşıb. “Zirə” İdman Kompleksində keçirilən görüş qolsuz heç-heçə ilə baş çatıb.
Hazırda Bakı təmsilçisi turnir cədvəlində 27 xalla dördüncü, Tovuz klubu isə 31 xalla üçüncü sırada qərarlaşıb.
Qeyd edək ki, turun ötən gün baş tutmuş oyunlarında “Sabah” “Araz-Naxçıvan”a 1:0 hesabı ilə qalib gəlib. “Şamaxı” - “Səbail” görüşündə isə qapılara qol vurulmayıb.
