NATO Polşa ərazisinə pilotsuz təyyarələrin daxil olmasını hücum kimi qiymətləndirmir.
"Operativ Məlumat Mərkəzi-OMM" bu barədə ''Reuters''ə istinadən xəbər verir.
“Bu, ilk dəfə idi ki, NATO təyyarələri müttəfiqlərin hava məkanında potensial təhdidlərlə qarşılaşırdı” deyən mənbə, NATO-nun bölgədəki “Patriot” hava hücumundan müdafiə sistemlərinin öz radarları ilə pilotsuz təyyarələri aşkarladığını, lakin onlara müdaxilə etmədiyini bildirib.
Mənbənin sözlərinə görə, əməliyyata Polşanın F-16 qırıcıları, Hollandiyanın F-35, İtaliyanın ''AWACS'' müşahidə təyyarələri və NATO-nun birgə idarə etdiyi havada yanacaq dolduran təyyarələr cəlb olunub.
Polşa Silahlı Qüvvələrinin Əməliyyat Komandanlığı sentyabrın 10-da səhər saatlarında bildirib ki, pilotsuz uçuş aparatları kimi müəyyən edilən bir neçə obyekt ölkənin hava məkanına daxil olduqdan sonra məhv edilib. Düşən obyektlərin axtarışı davam etdirilir. Bundan əvvəl Polşa hakimiyyəti ölkənin bəzi əraziləri, o cümlədən Varşava Beynəlxalq Hava Limanı üzərində hava məkanını bağlayıb.
