Myanma prezidenti vəzifəsini icra edən Myint Sve 74 yaşında vəfat edib.
"Operativ Məlumat Mərkəzi-OMM" xəbər verir ki, bu barədə "Sinxua" agentliyi ölkənin Milli Müdafiə və Təhlükəsizlik Şurasına istinadən məlumat yayıb.
Məlumata əsasən, siyasətçi cümə axşamı səhər saatlarında dünyasını dəyişib. Qeyd olunur ki, o, son vaxtlar səhhətindəki problemlərə görə məzuniyyətdə idi.
Myint Sve 2016-cı ildən Myanmanın vitse-prezidenti kimi fəaliyyət göstərirdi. 1 fevral 2021-ci ildə ölkədə baş verən hərbi çevrilişdən sonra vəzifəsindən uzaqlaşdırılan prezident Vin Myintin əvəzinə prezident səlahiyyətlərini icra edən şəxs kimi təyin olunmuşdu.
