"Mançester Siti"nin sağ cinah müdafiəçisi Kayl Uoker "Milan"a keçir.
"Operativ Məlumat Mərkəzi-OMM" xarici KİV-ə istinadən xəbər verir ki, 34 yaşlı futbolçu "rossonerilər"lə anlaşıb və klublar tezliklə icarə müqaviləsini rəsmən bağlayacaqlar.
Futbolçu artıq komanda yoldaşları və bəzi klub əməkdaşları ilə vidalaşıb.
Kayl Uoker yeddi il yarım Mançester nəhəngində çıxış edib.
O, "Siti"nin heyətində bütün yarışlarda ümumilikdə 319 oyuna çıxıb, 6 qol vurub və 23 məhsuldar ötürmə verib.
