Macarıstanın xarici işlər naziri Peter Siyarto Rusiya ilə ABŞ arasında Budapeştdə keçirilməsi planlaşdırılan sammitin təxirə salınması ilə bağlı yayılan xəbərləri təkzib edib.
"Operativ Məlumat Mərkəzi-OMM" xəbər verir ki, nazir bu barədə çərşənbə günü ABŞ dövlət katibi Marko Rubio ilə görüşdən əvvəl açıqlama verib.
Siyarto bildirib ki, sammitin tarixi heç vaxt müəyyən olunmayıb: “Əgər tarix hələ təyin olunmayıbsa, təxirə salmağın nə demək olduğunu anlamıram”, – deyə o, qeyd edib.
Nazir Rubio ilə keçiriləcək danışıqların sammitin təşkilinə dair perspektivlərə aydınlıq gətirəcəyinə ümid etdiyini bildirib. Siyarto əlavə edib ki, ABŞ dövlət katibi ilə Rusiya xarici işlər naziri Sergey Lavrov arasında baş tutmuş son müzakirə məhsuldar olub və sammitin əsas məsələlərinin ətraflı şəkildə dəyərləndirildiyini göstərib.
