İsrail yanvarın 27-dək Livanın cənubunu tərk etməlidir.
"Operativ Məlumat Mərkəzi-OMM"-in məlumatına görə, bunu Livanın prezidenti general Cozef Aun Beyrutda İspaniyanın müdafiə naziri Marqarita Robleslə görüşündə deyib.
"İsrailin öhdəliklərini yerinə yetirməməsi ölkədə gərginliyin davam etməsinə səbəb olacaq. Sərhədyanı ərazilər və təcavüz zamanı dağıdılmış yaşayış məntəqələrinin bərpası və oradakı köçkünlərin geri qaytarılması prosesini ləngidir", - deyə o bildirib.
Prezident qeyd edib ki, Livanın haqlı tələbi yanvarın 16-18-də Beyrutda səfərdə olan BMT-nin baş katibi Antonio Quterreş tərəfindən tam dəstəklənib.
