"İnter Mayami"nin hücumçusu Lionel Messi karyerasını bitirməsi ilə bağlı sualı cavablandırıb.
"Operativ Məlumat Mərkəzi-OMM" xəbər verir ki, bu barədə MARCA məlumat yayıb.
“Əvvəlcə də demişdim ki, gələcəyi düşünmürəm. Mən bu günü yaşamaq istəyirəm. Daha nə qədər oynayacağım barədə dəqiq cavab verə bilmərəm".
Messinin "İnter Mayami" ilə müqaviləsi 2025-ci ilə qədərdir. Ötən mövsüm argentinalı Amerika klubunun heyətində 14 oyun keçirib, 11 qol vurub və 5 məhsuldar ötürmə edib. Futbolçu "İnter Mayami" ilə Liqa Kubokunu qazanıb.
