Şri-Lankada leysan yağışlar və daşqınlar nəticəsində azı 6 nəfər ölüb, 17 nəfər itkin düşüb.
"Operativ Məlumat Mərkəzi-OMM" xəbər verir ki, bu barədə ada ölkəsinin Fəlakət İdarəetmə Mərkəzi məlumat yayıb.
Bildirilib ki, zərərçəkənlərin sayı indiyədək 330 min 894-ə çatıb.
Qeyd edilib ki, 1500-dən çox ev tamamilə və ya qismən dağılıb.
Bir çox rayonlarda baş verən sürüşmə qatarların hərəkətinin dayandırılmasına səbəb olub. Yerli çaylarda suyun səviyyəsi yüksək olaraq qalır. Hərbi qulluqçular 16 min sakini su basmış ərazilərdən təhlükəsiz ərazilərə təxliyə edib.
