“Rusiya xarici işlər naziri Sergey Lavrov 15 avqustda Alyaskada keçiriləcək Rusiya-ABŞ sammitində iştirak edəcək”.
"Operativ Məlumat Mərkəzi-OMM" xəbər verir ki, bu sözləri Rusiya Xarici İşlər Nazirliyinin İnformasiya və Mətbuat Departamentinin direktor müavini Aleksey Fadeyev deyib.
"Bu cümə günü Alyaskada keçirilməsi planlaşdırılan tədbirdə Lavrovun iştirakını təsdiqləyə bilərəm", – deyə o bildirib.
"Məlum olduğu kimi, xüsusən də əvvəlki administrasiyalar dövründə iki ölkə arasında münasibətlər əhəmiyyətli dərəcədə pisləşib. Hesab edirik ki, bu görüş liderlərə həm Ukrayna böhranı, həm də normal, funksional ikitərəfli dialoqun qurulmasına maneə olan məsələlər də daxil olmaqla, bütün yığılıb qalmış problemləri müzakirə etməyə imkan verməlidir. Bu isə beynəlxalq sülh və sabitliyin təmin olunması baxımından çox vacibdir",- Fadayev əlavə edib.
