Kitabxana və muzeylərin qanunvericilikdə müəyyən olunmuş qaydada məşğul olduqları təsərrüfat fəaliyyətindən əldə edilən vəsait onların sərəncamında qalacaq.
"Operativ Məlumat Mərkəzi-OMM" xəbər verir ki, bununla bağlı Milli Məclisin bu gün keçirilən ilk iclasında "Kitabxana işi haqqında" və "Muzeylər haqqında" qanunlara dəyişikliklər haqqında layihə üçüncü oxunuşda müzakirə edilib.
Qeyd edilib ki, Nazirlər Kabinetinin 2021-ci il 10 sentyabr tarixli 257 nömrəli Qərarı ilə təsdiq edilmiş "Dövlət orqanlarının strukturuna daxil olmayan tabeliyindəki qurumlar tərəfindən işlərin görülməsindən və xidmətlərin göstərilməsindən əldə edilən vəsaitdən istifadə Qaydası"nın 3.1-ci bəndinə görə isə qurum əldə etdiyi vəsaitdən müvafiq qanunda nəzərdə tutulmuş vergiləri və digər məcburi ödənişləri ödədikdən sonra sərəncamında qalan vəsaiti ilk növbədə fəaliyyətinin, o cümlədən işçilərinin əməkhaqqı fondunun maliyyələşdirilməsinə istifadə edir.
Beləliklə, təsbit olunması nəzərdə tutulan dəyişikliyə əsasən sözügedən normativ hüquqi aktların struktur elementləri arasında kolliziya aradan qaldırılır.
Layihə səsverməyə qoyularaq üçüncü oxunuşda qəbul olunub.
