İngiltərə Premyer Liqasının 34-cü turunun "Liverpul" - "Tottenhem" matçında (4:3) Harri Keyn qola imza atıb. Hücumçu üçün bu qol İngiltərə çempionatının cari mövsümündə 25-ci qol olub.
"Operativ Məlumat Mərkəzi-OMM" xarici KİV-ə istinadən xəbər verir ki, bununla da hücumçu Premyer Liqa tarixində dörd mövsümdə 25 və ya daha çox qol vuran ikinci oyunçu olub. Keyndən əvvəl belə nəticəyə yalnız “Nyukasl” və “Blekbern”in keçmiş forvardı Alan Şirer nail olmuşdu.
