Afət Ziyadqızı
Avropa İttifaqının (Aİ) diplomatiya rəhbəri Kaya Kallasın Ukraynaya 20 milyard avroluq yardım paketinin ayrılması təklifi Aİ-nin martın 6-da keçiriləcək sammitindən sonra dərc edilməli olan yekun bəyannamə layihəsindən çıxarılıb.
"Operativ Məlumat Mərkəzi-OMM" "İnterfaks"a istinadən xəbər verir ki, bu barədə sənəd layihəsinə istinadən "Euractiv" məlumat yayıb.
Portalın məlumatına görə, Macarıstan ötən həftə təşəbbüsün qarşısını alıb və Budapeştin vetosunu ləğv edib-etməyəcəyi hələlik bəlli deyil.
Sənəddə həmçinin bildirilir ki, Aİ ölkələrinin liderləri Kiyevə hava hücumundan müdafiə sistemləri, döyüş sursatları və raketlərin göndərilməsi üçün səyləri gücləndirməyə çağıracaqlar.
