Kallas Trampın Ukraynaya yardımla bağlı açıqlamalarına cavab verdi

Avropa Ukraynaya Rusiya ilə münaqişəni dayandırmağa kömək etmək üçün yeganə məsuliyyət daşımır.

"Operativ Məlumat Mərkəzi-OMM" xəbər verir ki, bunu ABŞ Prezidenti Donald Trampın bəyanatlarını şərh edən Avropa İttifaqının xarici işlər naziri Kaya Kallas deyib.

"Avropa Ukraynadakı müharibənin yükünü təkbaşına daşıya bilməz. Bu, xüsusilə Prezident Trampın döyüşləri dayandıracağına dair vədini nəzərə alsaq, doğrudur. O, münaqişəyə son qoyacağını vəd etmişdi. Ona görə də bunun məsuliyyəti bizim üzərimizə düşə bilməz", - Avropa diplomatiyasının rəhbəri qeyd edib.

Bir neçə avropalı məmur nəşrə anonim olaraq bildirib ki, Trampın Ukrayna ilə bağlı bəyanatları “ABŞ-nin münaqişədən çıxmasına işarə edir və bununla da Ukrayna məsələsinin yükünü Avropanın üzərinə yükləyir”.

Cavabında Kallas vurğulayıb ki, “Amerika tərəfi Şimali Atlantika Alyansı ilə həmrəy olmalıdır”.