Afət Ziyadqızı
Avropa İttifaqının xarici işlər naziri Kaya Kallas ötən il dekabrın 1-də vəzifəyə gəldikdən sonra ilk dəfə İranın xarici işlər naziri Abbas Əraqçiylə İranın nüvə proqramı ilə bağlı danışıqlar aparıb.
"Operativ Məlumat Mərkəzi-OMM" xəbər verir ki, o, bu barədə "X" hesabında yazıb.
“Biz nüvə məsələlərində diplomatiyanın əhəmiyyətini vurğulamaq və regionda gərginliyi azaltmaq üçün İranın xarici işlər naziri Abbas Əraqçi ilə görüşdük”,- o yazıb.
Kallas İranı Rusiyaya verdiyi iddia edilən hərbi dəstəyi dayandırmağa çağırıb, eyni zamanda İranda casusluq ittihamı ilə saxlanılan Aİ vətəndaşlarından narahatlığını ifadə edib.
O vurğulayıb ki, Brüssellə Tehran arasında münasibətlər “bütün bu məsələlərdə irəliləyişdən asılıdır”.
