Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas Rusiya Prezidenti Vladimir Putinin amerikalı həmkarı Donald Trampla görüşmək üçün Macarıstana potensial səfərindən narazılığını bildirib
"Operativ Məlumat Mərkəzi-OMM" xəbər verir ki, onun sözlərini “European Pravda” qəzeti sitat gətirib.
"Budapeştə gəlincə əlbəttə ki, Beynəlxalq Cinayət Məhkəməsinin həbs qərarına tabe olan şəxsin Avropa ölkələrindən birinə gəlməsi xoşagəlməz haldır. Yenə də sual budur ki, bunun hər hansı bir effekti olub-olmayacaq", - Kallas bildirib.
O, Avropa İttifaqının Budapeştdəki hadisələri izləyəcəyinə inandırıb və insanları Rusiyanın “yalnız təzyiq altında olanda” danışıqlara razı olduğunu xatırlamağa çağırıb.
