Əfqanıstanın paytaxtı Kabildə polis məntəqələrindən birində partlayış baş verib.
"Operativ Məlumat Mərkəzi-OMM"-in məlumatına görə, bu barədə "Hasht-e Subh" qəzeti mənbələrə istinadən bildirib.
Məlumata əsasən, hadisə yerli vaxtla 19:00 radələrində Kabilin mərkəzi rayonlarından birində baş verib.
Hadisə nəticəsində itkilərin olub-olmaması barədə məlumat verilməyib. "Taliban" hərəkatının nümayəndələri hadisə ilə bağlı şərh verməyiblər.
