İsveçin atdığı tədqiqat raketi Norveçdə qəzaya uğrayıb.
"Operativ Məlumat Mərkəzi-OMM"-in xəbərinə görə, dünən yerli vaxtla saat 07:20-də İsveçin şimalındakı Kiruna yaxınlığındakı Esrange Kosmos Mərkəzindən atılan və sərhədə yaxın bölgəyə enişi gözlənilən raket hədəfinə çata bilməyib.
İsveç Kosmik Şirkəti (SSC) tərəfindən buraxılan tədqiqat raketi 250 kilometr yüksəkliyə çatdıqdan sonra marşrutdan çıxaraq Norveçdə dağlıq əraziyə düşüb.
SSC raketin hesablandığından bir az daha qərbə doğru yönəldiyini bildirilib.
Nasazlıq səbəbindən hədəfinə enə bilməyəcəyi düşünülən raket və onun faydalı yükü planlaşdırılan eniş yerindən təxminən 40 kilometr şimal-qərbə düşüb.
DSK rəsmisi bildirib ki, raketin düşdüyü ərazi “ən yaxın yaşayış məntəqəsindən 10 kilometr aralıdadır”.
Norveç Xarici İşlər Nazirliyinin rəsmiləri açıqlamasında hadisənin "çox ciddiyə" alındığını bildiriblər.
