Beyköz rayon bələdiyyəsinin başçısı Alaattin Köseler bu gün səhər tezdən İstanbulda saxlanılıb.
"Operativ Məlumat Mərkəzi-OMM" xəbər verir ki, bununla bağlı Türkiyə KİV məlumat yayıb.
Bildirilib ki, 65 yaşlı Köseler iqtisadi cinayətlərlə bağlı istintaq çərçivəsində saxlanılıb.
Beyköz Baş Prokurorluğu “tenderi saxtalaşdırma” maddəsi ilə şübhəli bilinən 4 nəfər, o cümlədən rayon bələdiyyəsinin başçısı haqqında həbs qərarı çıxarıb.
Həmçinin 17 şübhəli barəsində “tender saxtakarlığı” və “təşkilat yaratmaq, üzv olmaq və cinayət törətməyə köməklik göstərmək” ittihamları ilə həbs, saxlama və axtarış qərarı çıxarılıb.
Həbs İstanbul İl Polis İdarəsi və Maliyyə Cinayətləri ilə Mübarizə İdarəsinin əməkdaşları tərəfindən həyata keçirilib.
Şübhəlilər dindirilmək üçün İstanbul Polis İdarəsinə aparılıb.
Bu həbs geniş rezonans doğurub - Kösellerin müxalif Cümhuriyyət Xalq Partiyasını təmsil etdiyini nəzərə alsaq, onun funksionerləri "siyasi səbəblərə görə" təqib olunduğundan şübhələndiklərini bildiriblər.
