İsrailin strateji inkişaf naziri Ron Dermer Florida ştatının Mar-a-Laqo şəhərində ABŞ-ın yeni seçilmiş prezidenti Donald Trampla görüşüb.
"Operativ Məlumat Mərkəzi-OMM" xəbər verir ki, bu barədə "Axios" portalı məlumat yayıb.
Məlumata görə, israilli nazirin səfərinin məqsədi Yəhudi Dövlətinin baş naziri Benyamin Netanyahunun mesajlarını Donald Trampa çatdırmaq olub.
Görüş zamanı Dermer ABŞ-ın seçilmiş prezidentinin andiçmə mərasimindən əvvəl hansı məsələləri həll etmək istədiyini və vəzifəyə başlamazdan əvvəl hansı problemlərin həllini gözləməyə üstünlük verəcəyini də aydınlaşdırmağa çalışıb.
İsrail tərəfinin Trampla müzakirə etmək istədiyi mövzular arasında Livandakı vəziyyətin nizamlanması, hərbi əməliyyatlar başa çatdıqdan sonra Qəzza planı, həmçinin yəhudi dövləti ilə Səudiyyə Ərəbistanı arasında münasibətlərin normallaşdırılması səyləri olub.
