İsrail tankları bufer zonasından kənara çıxıb və Suriyanın cənubundakı Katana qəsəbəsi yaxınlığında yerləşdirilib.
"Operativ Məlumat Mərkəzi-OMM" xəbər verir ki, bununla bağlı "Əl Mayadeen" telekanalı məlumat yayıb.
Məlumata əsasən, qəsəbə Dəməşqdən 21 km aralıda yerləşir.
İsrail əsgərləri Dəməşqin kənarındakı bir neçə kəndə daxil olub. İsrail ordusu bundan əvvəl quru əməliyyatlarını bufer zonasından kənarda deyil, yalnız daxilində həyata keçirməyi planlaşdırdığını bildirib.
İsrail qırıcıları Suriyada hakimiyyət dəyişikliyindən sonra 250-dən çox hərbi obyektə zərbələr endirib.
Qeyd edək ki, İsrail ordusunun "Galei IDF" radiosunun mənbəsi baş verənləri İsrail Hərbi Hava Qüvvələrinin tarixindəki ən böyük hücum əməliyyatlarından biri adlandırıb.
