İsrail ordusunun Qəzza zolağının mərkəzi hissələrində yerləşən Nusayrat Qaçqınlar Düşərgəsinə hücumu nəticəsində ən azı 18 fələstinli həlak olub.
"Operativ Məlumat Mərkəzi-OMM" xəbər verir ki, bu barədə Fələstinin rəsmi xəbər agentliyi "WAFA" məlumat yayıb.
İsrail ordusu Qəzzanın şimalında yerləşən Cibaliya şəhərinin Köhnə Qəzza küçəsində yerləşən su təmizləyici qurğunu hədəfə alaraq məhv edib.
Fələstin Qızıl Aypara Cəmiyyətindən verilən açıqlamada Qəzzanın cənubundakı Xan Yunisdə Fələstin Qızıl Aypara Cəmiyyətinə aid əl-Amel xəstəxanasının ön hissəsinin İsrail ordusu tərəfindən ağır bombardman edildiyi bildirilib.
