İsrail ordusu Qəzza zolağının şimalında yerləşən Nura əl-Kabi Dializ Mərkəzini tamamilə yerlə-yeksan edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Fələstin Səhiyyə Nazirliyi Qəzzanın şimalında böyrək xəstələrinə xidmət göstərən mərkəzə edilən hücumla bağlı yazılı açıqlama yayıb.
Açıqlamada dializ mərkəzinin dağıdılmasının böyrək xəstələrini gözlənilməz nəticələrlə fəlakətə sürüklədiyi bildirilib və böyrək xəstələrinin 41 faizinin müharibə zamanı dializ mərkəzlərinə girişin qadağan edilməsi və bu mərkəzlərin dağıdılması səbəbindən dünyasını dəyişdiyi vurğulanıb.
İsrailin Qəzzanın şimalındakı xəstəxanaları və xüsusi qayğı mərkəzlərini boşaltmaq üçün təhlükəli üsuldan istifadə etdiyi bildirilir.
