İspaniya Səhiyyə Nazirliyi iyul ayında ölkədə qeydə alınan həddindən artıq isti hava şəraitinin 1060 nəfərin ölümünə səbəb olduğunu açıqlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, bu, ötən ilin eyni dövrü ilə müqayisədə 57 faiz artım deməkdir.
Nazirliyin Gündəlik Ölüm Həddinə Nəzarət Sistemi (MoMo) tərəfindən toplanan məlumatlara əsasən, dünyasını dəyişənlərin əksəriyyəti yaşı 65-dən yuxarı olan və xroniki xəstəliklərdən əziyyət çəkən şəxslərdir.
Eyni zamanda, İspaniya Meteorologiya İnstitutu (AEMET) avqustun 3-dən etibarən ölkəyə yeni isti dalğasının daxil olduğunu bildirib. Gözlənilir ki, dalğa həftəsonuna qədər davam edəcək.
Bu səbəbdən ölkənin 17 muxtar icmasından 10-da fövqəladə vəziyyət planı çərçivəsində istilərə və meşə yanğınlarına qarşı xəbərdarlıq səviyyəsi artırılıb.
