İşğalçı yəhudilər Qəzzaya göndərilən humanitar yardımın qarşısını almağa çalışıblar

Əksəriyyəti "Təpə Gəncliyi" adlı işğalçı yəhudi qruplaşmasına bağlı olan təxminən 200 nəfərdən ibarət nümayişçilər Qəzza yaxınlığındakı Aşdod şəhərindəki limanın yaxınlığında toplaşıb və əllərində İsrail bayraqları tutublar.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Bəzi işğalçılar limana çatmağa çalışan yük maşınlarının qarşısına oturaraq maşınların keçməsinə mane olublar.

İşğalçıların bağlamaq istədikləri yola dəmir baryerlər quran, lakin nümayişçilərə müdaxilə etməyən İsrail polisi ilə nümayişçilər arasında vaxtaşırı mübahisələr olub.