Almaniyanın ən məşhur daşınmaz əmlak agentliyinin rəhbəri 62 yaşlı Hans Peter Makın dəhşətli şəkildə qətlə yetirildiyi ortaya çıxıb.
"Operativ Məlumat Mərkəzi-OMM"xarici KİV-ə istinadən xəbər verir ki, iyulun 4-dən ailəsi ilə əlaqə saxlaya bilməyən Makın cansız bədəni kirayədə qaldığı evdə dondurucuda parçalanmış halda tapılıb.
Belə ki, Makın 24 yaşlı həyat yoldaşı polisə məlumat verərək, ərindən xəbər ala bilmədiklərini açıqlayıb. İş adamının ailəsi Makın yerini tapana 85 min dollar mükafat verəcəklərini bildiriblər.
Alman iş adamının fotosu yerli mətbuatla paylaşılıb. Araşdırmalar nəticəsində yerli polis Taylandın turizm bölgələrindən biri olan Pattayada kirayəlik evdə kişinin cəsədini aşkar edib. Makın kirayə götürdüyü evdə aparılan araşdırmalar zamanı bədbəxt iş adamının cansız bədəni parçalanmış və zibil torbasına bükülmüş halda tapılıb.
Onun kim və ya kimlər tərəfindən qətlə yetirildiyi məlum deyil. Araşdırmalar aparılır.
