İraqın xarici işlər naziri Fuad Hüseyn terror təşkilatı PKK-nın dağılaraq silahı yerə qoyma qərarının xoşbəxtlik və məmnunluq mənbəyi olduğunu, bunun Türkiyə və bölgə üçün sülhə səbəb olacağına ümid etdiklərini bildirib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Hüseyn sözügedən qərarla bağlı İraq mərkəzi hökuməti, Türkiyə və İraq Kürd Regional Rəhbərliyi (İKBY) hökuməti arasında əməkdaşlıq olacağını da qeyd edib.
ABŞ prezidenti Donald Trampın Səudiyyə Ərəbistanına səfərinə də toxunan Hüseyn, "prezident Trampın Səudiyyə Ərəbistanına səfəri və Körfəz ölkələrinin liderləri ilə əldə olunan razılaşmalar sevindiricidir. Prezident Trampın Suriyaya qarşı sanksiyaları ləğv etmə qərarından da xoşbəxtik" deyib.
