İraq müqavimət qüvvələri tərksilah etməyə hazırdır

İraq İslami Müqavimətinin bir hissəsi olan silahlı şiə qrupları Bağdad və Vaşinqton arasında münaqişənin genişlənməsinin qarşısını almaq üçün silahlarını yerə qoymağa hazırdırlar.

"Operativ Məlumat Mərkəzi-OMM" xəbər verir ki, bu barədə "Reuters" agentliyi qrup üzvlərinə istinadən məlumat yayıb.

Agentlik mənbələri qrup liderləri ilə İraqın baş naziri Məhəmməd əl-Sudani arasında tərksilah danışıqlarında "əhəmiyyətli irəliləyiş əldə edildiyini" və ABŞ-ın tərksilah çağırışlarına cavab verməyə meylli olduqlarını bildirib.

Mənbələr bildirirlər ki, müqavimət qüvvələrinin əsas müttəfiqi olan İran İnqilab Keşikçiləri Korpusu İraq qüvvələrinə Vaşinqtonla münasibətlərin azaldılması ilə bağlı öz qərarlarını vermək imkanı verib.