İranlı zəvvarlar İraqda qəzaya düşdü - Ölən və yaralananlar var

İraqda iranlı zəvvarları daşıyan avtobus aşıb.

"Operativ Məlumat Mərkəzi-OMM" xəbər verir ki, bu barədə məlumatı İranda Ərbəin Mərkəzi Qərargahının sözçüsü Cavad Təşəkküri açıqlayıb.

Onun sözlərinə görə, avtobusun aşması nəticəsində Ərbəin ziyarətinə yollanan 20 iranlı zəvvar həlak olub, çox sayda insan isə yaralanıb.

Yaralılar arasında üç azyaşlının da olduğu qeyd olunub.

Qəzanın səbəbləri açıqlanmayıb.