ABŞ-ın İrana qarşı yeni sanksiyalar tətbiq etməsini amerikalı siyasətçilərin Tehranla danışıqlar aparmaq istəyi ilə bağlı bəyanatlarının yanlış olduğunun sübutu kimi qiymətləndirilib.
"Operativ Məlumat Mərkəzi-OMM" xəbər verir ki, bu barədə İran Xarici İşlər Nazirliyinin sözçüsü bildirib.
İran İslam Respublikası Xarici İşlər Nazirliyinin bəyanatında aşağıdakı ifadələr yer alıb:
“Xarici İşlər Nazirliyinin nümayəndəsi bəzi amerikalı siyasətçilərin İranla qarşılıqlı əlaqə yaratmaq istəyi ilə bağlı bəyanatlarına işarə edərək, İran xalqına qarşı sanksiyaların tətbiqini bu bəyanatların yanlışlığının ən böyük sübutu kimi qiymətləndirib”.
İran Xarici İşlər Nazirliyi bəyan edib ki, ABŞ-ın İranın xarici ticarətinin inkişafına mane olan yeni sanksiyalar tətbiq etməsi “BMT-nin prinsiplərinə, xüsusən də milli suverenliyə və xalqın öz müqəddəratını təyinetmə hüququna hörmət prinsipinə ziddir”.
