İranın xarici işlər naziri Abbas Əraqçi və türkiyəli həmkarı Hakan Fidan arasında telefon danışığı olub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, onlar bölgədəki hadisələri müzakirə edərək, Fələstin ətrafında baş verən son hadisələr, eləcə də İran və Türkiyə arasında ikitərəfli münasibətlərə diqqət çəkiblər.
Onlar fələstinlilərin köçkünlük təhlükəsi ilə mübarizədə İslam dövlətlərinin qəti və vahid mövqe tutmasının vacibliyini vurğulayaraq, problemin həlli üçün İslam Əməkdaşlıq Təşkilatına üzv ölkələrin nazirlərinin təcili iclasının keçirilməsini istəyiblər.
Hakan Fidan öz növbəsində ikitərəfli münasibətlərin səmərəli inkişafından məmnunluğunu bildirib, qarşılıqlı maraq doğuran sahələrdə əməkdaşlığın genişləndirilməsinin vacibliyini vurğulayıb.
