Afət Ziyadqızı
İranın xarici işlər naziri Abbas Əraqçi uranın zənginləşdirilməsi ilə bağlı ABŞ ilə fikir ayrılıqlarının olduğunu və bu məsələni həll etmədən razılığa gələ bilməyəcəklərini bildirib.
"Operativ Məlumat Mərkəzi-OMM" xəbər verir ki, bu barədə “Asharq News” kanalı məlumat yayıb.
Əraqçi qeyd edib ki, indiyə qədər biri Romada, üçü Maskatda olmaqla dörd raund danışıqlar apardıq və deyə bilərəm ki, bu danışıqlar hörmətli bir mühitdə keçdi.
Tərəflərin bir çox sahədə bir-birini daha yaxşı başa düşmə nöqtəsinə gəldiyini bildirən Əraçi bəzi məsələlərdə fikir ayrılıqlarının davam etdiyini bildirib.
