ABŞ Birləşmiş Millətlər Təşkilatının Baş Assambleyası üçün Nyu-Yorka gələn iranlı diplomatların topdan satış mağazalarından alış-veriş etməsinə və lüks məhsullar almasına məhdudiyyətlər tətbiq etdiyini açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
ABŞ Dövlət Departamentinin sözçüsü Tommy Pigott verdiyi açıqlamada bildirib ki, iranlı rəsmilərin hərəkəti yalnız BMT Baş Assambleyasındakı rəsmi vəzifələrini yerinə yetirmək üçün BMT-nin mərkəzinə gedib-gəlmək lazım olan ərazilərlə məhdudlaşdırılacaq.
Pigott qeyd edib ki, Nyu-Yorkdakı İran nümayəndəliyinin əməkdaşları da daxil olmaqla, ABŞ-də hər hansı bir topdan satış mağazasına üzv olmaq və alış-veriş etmək üçün əvvəlcədən icazə almaq məcburiyyətindədirlər.
O əlavə edib ki, İran xalqı çətinlik içində yaşadığı bir vaxtda iranlı rəsmilərin Nyu-Yorkda sərbəst şəkildə alış-veriş etməsinə icazə verməyəcəklər.
İranlı rəsmilərin min dollardan baha olan saatlar, dəridən və ipəkdən hazırlanmış geyimlər, kürk, zinət əşyaları, ətirlər, elektron cihazlar, alkoqollu içkilər və altmış min dollardan baha olan avtomobilləri almaq üçün əvvəlcədən icazə almaları tələb olunur.
