ABŞ və İsrail İran İslam Respublikasını hərbi güclə hədələməyə davam edərsə, İran Beynəlxalq Atom Enerjisi Agentliyi (MAQATE) ilə əməkdaşlığı dayandıracaq və agentliyin bütün müfəttişlərini ölkədən qovacaq.
"Operativ Məlumat Mərkəzi-OMM" xəbər verir ki, bu sözləri İranın ali dini lideri Ayətullah Əli Xameneinin siyasi məsələlər üzrə müşaviri, İslam İnqilabı Keşikçiləri Korpusunun generalı Əli Şamxani deyib.
"Daim xarici təhdidlər və İrana hərbi hücum cəhdləri Beynəlxalq Atom Enerjisi Agentliyindən müfəttişlərin çıxarılması və onunla əməkdaşlığa son qoyulması kimi çəkindirici tədbirlərin tətbiqinə gətirib çıxara bilər. Digər tədbir zənginləşdirilmiş uranın İran daxilində təhlükəsiz və naməlum yerlərə köçürülməsi ola bilər", - deyə o, əlavə edib.
