İran İsraillə münaqişədən irəli gələn təhlükəsizlik məsələlərini etiraf edib

İran prezidenti Məsud Pezeşkian nazirlər toplantısında çıxış edərək ölkənin İran-İsrail münaqişəsi zamanı yaranmış “fundamental təhlükəsizlik problemlərinin” olduğunu bildirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İran lideri “ölkəmizə dəyəcək zərəri minimuma endirmək üçün təhlükəsizlik patologiyalarını düzgün diaqnoz etməliyik” deyib.

İranda İsraillə 12 günlük münaqişə zamanı İran hakimiyyəti tərəfindən İsraillə əməkdaşlıqda ittiham olunan onlarla şəxsin saxlanıldığı bildirilir. Təl-Əvivdə xüsusilə təxribat məqsədləri üçün pilotsuz uçuş aparatlarının (PUA) yaradılması və istifadəsi barədə də məlumatlar var.