Fələstinin HƏMAS qruplaşmasının Siyasi Bürosunun rəhbəri İsmayıl Haniyə təxminən 7 kq ağırlığında döyüş başlığı ilə İsrail ordusunun qısa mənzilli mərmisi ilə öldürülüb.
"Operativ Məlumat Mərkəzi-OMM" xəbər verir ki, bu barədə İran İslam İnqilabı Keşikçiləri Korpusu (SEPAH) bildirib.
İran hərbçiləri ABŞ-ı Haniyənin öldürülməsinə dəstək verməkdə ittiham edib və lazımi vaxt və yerdə qisas alacaqlarına söz veriblər.
İsmayıl Haniyə iyulun 31-də İran prezidenti Məsud Pezeşkianın andiçmə mərasimində iştirak etmək üçün gəldiyi Tehrandakı iqamətgahına hücum nəticəsində həyatını itirib. Qrup onun qətlində İsraili günahlandırıb, İsrail bunu rədd edib.
