İngiltərə kəşfiyyat agentliyi süni intellekt çatbotlarının yaratdığı təhlükələr barədə xəbərdarlıq edib.
"Operativ Məlumat Mərkəzi-OMM" xəbər verir ki, İngiltərə Milli Kiber Təhlükəsizlik Mərkəzi ChatGPT kimi çatbotların potensial risklərini vurğulayıb.
ChatGPT və ya Bing kimi çatbotlarda edilən bütün sorğular məlumat kimi OpenAI serverlərinə gedir və buna görə də hansı məlumatın verildiyinə diqqət yetirilməlidir.
Hətta Amazon və JPMorgan kimi şirkətlər xüsusi olaraq işçilərindən həssas məlumatların sızmasından qorxaraq ChatGPT-dən istifadə etməmələrini xahiş edirlər. Bundan əlavə, süni intellektlə işləyən botların kibercinayətkarlıq fəaliyyətini daha da gücləndirə bilməsi ehtimalı da var.
