ABŞ prezidenti Donald Tramp Fələstin-İsrail münaqişəsində vasitəçilik edərək Qəzza zolağında böyük xarici siyasət qələbəsini qazandı və indi o, Ukrayna böhranının həllində bu uğuru təkrarlaya bilər.
"Operativ Məlumat Mərkəzi-OMM" “The Wall Street Journal”a istinadən xəbər verir ki, bu fikri Avropa rəsmiləri bildirib.
Amerika və Avropa rəsmiləri münaqişə tərəflərinin Trampın Yaxın Şərqdəki ilkin uğurundan sonra hərbi strategiyalarını dəyişməsini çətin hesab edirlər.
Bununla belə, onlar ümid edirlər ki, ABŞ prezidenti Moskva ilə Kiyev arasında danışıqların aparılması üçün diplomatik qələbə anından istifadə edib düzgün dərslər çıxara biləcək.
Ağ Ev Milli Təhlükəsizlik Şurasının keçmiş rəsmisi Fred Fleitz deyir ki, Fələstin-İsrail sülh razılaşması Trampa digər böyük münaqişələri həll etmək üçün güclü təsir vasitəsi verir: "İndi Amerika lideri özünü effektiv vasitəçi və sülhməramlı kimi sübut etdi".
