Hizbullah Suriyada hakimiyyət dəyişikliyini strateji itki kimi qiymətləndirib

Suriyada yeni siyasi qüvvələrin hakimiyyətə gəlməsi Livanın şiə hərəkatı Hizbullah üçün böyük itki oldu. Çünki bu vəziyyət İsrailə qarşı yönəlmiş regional ittifaqlar sisteminə ziyan vurdu.

"Operativ Məlumat Mərkəzi-OMM" xəbər verir ki, bu fikri “Hizbullah”ın qurucularından biri Əli Fəyyad deyib.

“Şübhə yoxdur ki, Suriyada siyasi transformasiya ciddi strateji itkidir, biz bunu inkar edə bilmərik”, - deyə o bildirib.

Onun sözlərinə görə, "Suriyada yeni administrasiyanın İsrailə münasibəti çaşqınlıq yaradır və bir çox suallar doğurur. Çünki İsrail Suriya ərazisinə girib işğal edib və yeni administrasiyanın heç bir müqaviməti ilə qarşılaşmayıb. Bu vəziyyət hüquqi və siyasi baxımdan qəribədir. Başqa heç bir ölkədə belə bir şey görə bilməzsiniz".