Afət Ziyadqızı
Hindistanın şimalında yerləşən Cammu və Kəşmir əyalətində baş verən atışma nəticəsində azı 25 turist ölüb, 24-ü yaralanıb.
"Operativ Məlumat Mərkəzi-OMM" xəbər verir ki, bu barədə “Print” portalı Müdafiə Nazirliyi və təhlükəsizlik orqanlarındakı mənbələrə istinadən məlumat yayıb.
Hadisə Pahalqam ərazisində baş verib. Naməlum silahlı şəxslər Baysaran vadisində cığırla çıxan turistlərə atəş açıb. Silah səsləri eşidildikdən sonra hadisə yerinə çox sayda polis və tibbi qruplar göndərilib. Hadisənin təfərrüatları araşdırılır. Yerli hakimiyyət hadisəni terror hücumu kimi qiymətləndirib.
