Finlandiyanın Rusiya ilə sərhəddə inşa etdiyi hasar sərhəd xəttinə mümkün qədər yaxın tikiləcək.
"Operativ Məlumat Mərkəzi-OMM" xəbər verir ki, bununla bağlı "lenta.ru" məlumat yayıb.
Bu hasar Rusiya ilə sərhədə maksimum dərəcədə yaxın məsafədə tikiləcək.
Sərhəd maneəsi müşahidə texnologiyaları, kameralar və səsucaldıcılarla təchiz olunacaq.
Bildirilib ki, sərhədi tez-tez vəhşi heyvanlar keçir, lakin kameralar insanla heyvanı ayırd edə bildiyi üçün sərhəd xidmətləri icazəsiz sərhəd keçidləri ilə bağlı yalan siqnallar almamalıdır.
Qeyd edək ki, mayın 22-də Finlandiya Sərhəd Xidməti ölkənin Rusiya ilə bağlanan şərq sərhədində hündürlüyü 4,5 metr olan 35 kilometrlik hasarın ilk hissəsinin tikintisinin başa çatdığını açıqlamışdı.
